Solenn, mas pipiliing hindi maligo kaysa mawalan ng internet sa loob ng 1 buwan

Para kay Kapuso star Solenn Heussaff, mas pipiliin niyang hindi maligo kaysa mawalan ng internet sa loob ng isang buwan. Matiis naman kaya ito ng asawa niyang si Nico?

"Since kasal na ako, wala siyang choice, kasi asawa niya ako. So, for better or for worse," kuwelang sagot ng "Cain At Abel" leading lady na si Solenn sa "Kapuso Exclusive."

Mas pipiliin din daw ni Solenn na magkaroon ng magulong buhok kaysa maging kalbo. "Kasi may mga caps naman, 'di ba? May wig."

Ang co-lead star ni Solenn sa "Cain at Abel" na si Sanya Lopez, mas pipiliin na magkaroon ng ilong ng baboy kaysa mukha ng unggoy.

"Pig nose na lang! Wala, parang cute lang," sabi ni Sanya.

Sinamahan sina Sanya at Solenn ng mga beauty vloggers na sina Raf Juane at Kristine Roces sa kulitan. Panoorin ang iba pa nilang sagot sa kanilang game na "Would You Rather."

--Jamil Santos/FRJ, GMA News