- سعودی عرب کا اعلی سطح کا تجارتی وفد آج پاکستان پہنچے گا
- گیری کرسٹن بھارت سے ویڈیو کال پر قومی کرکٹرز سے مخاطب ہوگئے
- شمال سے جنوب! غزہ "مکمل قحط" کا شکار ہے، اقوام متحدہ
- مجھے اور محمد عامر کو بابر اعظم سے کوئی مسئلہ نہیں، عماد وسیم
- پی ایس ایل، 4 پلے آف غیر جانبدار وینیو پر منعقد کرنے کی تجویز
- پی ایس ایل 2025؛ پلئینگ کنڈیشنز میں تبدیلی پر غور شروع
- راولپنڈی سے چوری سرکاری ویگو سمیت 7 مسروقہ گاڑیاں برآمد
- پولیس اہلکار کے بھائی کی شادی میں فائرنگ سے مہمان جاں بحق
- بچوں میں بلند فشار خون فالج کے امکانات 4 گنا تک بڑھا سکتا ہے، تحقیق
- امریکی ایئرپورٹ پر مسافر کی پتلون سے سانپ برآمد
- جُھنڈ میں آزادانہ اڑنے والی روبوٹک مکھیاں
- محکمہ انسداد دہشتگردی کی بڑی کارروائی، دو اہم دہشتگرد ہلاک
- کھارادر میں گارڈ کے سر پر ہتھوڑا مار کر پستول چھین لیا گیا، ویڈیو وائرل
- ڈاکوؤں کے خلاف آپریشن، سندھ پولیس کی نئی گاڑیوں کے لیے کروڑوں کے فنڈز منظور
- کوئٹہ سریاب روڈ پر پولیس موبائل پر حملہ، جوابی کارروائی میں 4 دہشت گرد ہلاک
- مسافروں کی حفاظت کیلیے ہر گاڑی میں ایک اہلکار سوار ہوگا، وزیراعلیٰ بلوچستان
- لاہور میں قانون نافذ کرنے والے ادارے کی تیز رفتار گاڑی نے اکلوتے بچے کو کچل ڈالا
- گندم درآمد اسکینڈل، تحقیقاتی کمیٹی کی انوارالحق کاکڑ یا محسن نقوی کو طلب کرنے کی تردید
- فیصل کریم کنڈی نے گورنر کے پی کا حلف اٹھا لیا، وزیراعلیٰ کی تقریب میں عدم شرکت
- پاکستانی نژاد صادق خان ریکارڈ تیسری مرتبہ لندن کے میئر منتخب
پی سی بی مشکوک ماضی کے حامل کوچ پر مہربان
کراچی: پی سی بی نے مشکوک ماضی کے حامل کوچ کو ایمرجنگ ٹیم کی ذمہ داری سونپ دی لہٰذا اعجاز جونیئر برطرف ہونے کے کئی برس بعد ملازمت پر بحال ہوئے اور اب تیزی سے ’’ترقی‘‘کی منازل طے کر رہے ہیں۔
پاکستان کرکٹ بورڈ نے ’’مشکوک سرگرمیوں‘‘ کے سبب برطرف شدہ اعجاز جونیئرکو ایمرجنگ ٹیمز ایشیا کپ کیلیے قومی ٹیم کا کوچ مقرر کر دیا، کئی برس قبل جب وہ فیصل آباد کے کوچ تھے توایک ڈومیسٹک میچ میں ٹیم پر جان بوجھ کر ہارنے کا الزام سامنے آیا، بعض کھلاڑیوں نے یہ منصوبہ جان کر میچ میں کھیلنے سے ہی انکار کر دیا تھا، مبینہ فکسنگ کی وجہ بعض دیگر سائیڈز کی پوزیشن مستحکم کرنا تھی، پی سی بی نے معاملے کی تحقیقات کیں اور کوچ کو قصوروار پاتے ہوئے ملازمت سے برطرف کر دیا۔
حیران کن طور پر چند سال بعد انھیں دوبارہ ملازمت پر رکھ لیا گیا، ان کے ’’گھریلو حالات‘‘ کو بنیاد بنا کر ایک سابق قومی کپتان اور اسلام آباد کرکٹ کی بااثر شخصیت نے حکام سے سفارش کی تھی، اس کے بعد اعجاز جونیئر کو جن ٹیموں کی کوچنگ سونپی گئی وہ اچھا پرفارم نہ کر سکیں، مگر اب حیران کن طور پر انھیں ایمرجنگ ٹیم کا کوچ بنا دیا گیا ہے۔
سابق کرکٹر کو نیشنل کرکٹ اکیڈمی کے بعض آفیشلز بھرپور سپورٹ کر رہے ہیں، اس فیصلے سے دیگر کوچز کی حق تلفی ہوئی اور ان میں بے چینی کی لہر پائی جا رہی ہے۔
دوسری جانب نمائندہ ’’ایکسپریس‘‘ کے استفسار پر پی سی بی ترجمان نے کہا کہ ماضی میںجب کوچز کی تعداد کم کی تو اعجاز جونیئر کو ملازمت سے ہٹایا گیا تھا، ان کے خلاف الزامات کی تحقیقات میں کچھ ثابت نہیں ہوا۔
واضح رہے کہ اعجاز جونیئرنے پاکستان کے لیے 2 ٹیسٹ اور اتنے ہی ون ڈے انٹرنیشنل میچز کھیلے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔